无聊日记(偶尔无聊一下)

今晚得闲,讲下自己~~我自己觉得我都系一个几无聊既一个人,因为我身边D屋企人同DF都觉得我系一个极度无聊既人~~

我既生活,除左以前系学校果阵,同之前做过下parttime之外,依家放假系屋企...几乎系无野做,系屋企既时间,我可以无聊到...我一日...都吾知自己做紧乜,除左朝早起身刷牙洗面食早餐.吾知点解...可以无聊到...从个房度行去个厅,又从个厅度行入厕所,再由个厕所行去个厨房,攞个杯饮淡水...甘样行,都竟然可以行半日,就系吾知为乜~~

开左厅部电视,但系我就入左房玩电脑,耐唔耐又走翻出个厅望两下,跟住又走翻入个房度上网,上得甘上下,又过去张书台度攞本书,揭两页望下,睇完都唔知自己睇过D乜,又打开个X盘,睇翻几分钟一出吾知睇过几多次既4仔,睇完都无feel...Mmmmm...一日既时间除左食饭训觉同要出街果阵,就基本上就甘渡过~~

执房呢样野可能系我每日都必须做几次既野,间房好乱,D野好似永远都执唔晒甘,执极都甘乱,每次执完都好似同无执过无乜分别...有时D衫放到周围都系,有时出街为左稳件衫可以搬晒成个柜D衫裤出黎,跟住会等翻黎先重新摆过入去,真系几无聊~~但系无办法,呢个系我坏习惯...我可能未至于有洁癖,但又好唔中意见到D野铺晒尘,一见到D野铺住D尘就唔抵得,就要抹走佢~~~有时,DF上黎我屋企玩或者倾下计,其余时间又系做翻同样既野,从个厅行去个厕所,再行去个厨房斟杯水,跟住又行翻入间房比杯水人饮...

讲到煮野食,呢样野...~~~对我黎讲~~~可以话...哈哈哈~~~唔系好识!曾经试过一个人系屋企煮餐饭整条鱼都整左3个钟~~~不过条鱼整出黎D味道都见得下人几好食甘既,其实我识煮既最复杂既菜米就系呢样甘咯~话时话,其实我屋企人都几识煮野食~~点解?...因为~~~就系我吾识煮野食甘咯~~~

由细到大见到猫猫狗狗呢类宠物都好中意~有时同DF出去,系条街度或者系D小区度见到D人拖住只狗或者有D狗行过会对住佢揮手深甚至行过去摸下去,DF见到都话"你系米傻噶!因住冲过黎咬你啊!"...虽然中意,不过自己一直都无买过黎养~~~点解呢?因为我MAMA吾中意D猫狗,佢成日话我3分钟热度,养养下就唔会理...不过呢D都唔系主要原因,主要系因为我中意D好大只既牧羊犬,间屋甘细我都未够住,点养?!~~~~不过呢样都系假既,其实最主要都系因为我有哮喘甘解!~~

睇到呢度,我霖你都应该明白我系一个有几无聊既人,无聊程度系到写埋呢篇甘x无聊既野,仲要无聊到系篇野度玩标点符号~~简直不知所谓!